Gildavinnustofa

Gildi eru kröftug leið til að móta samskiptin og menninguna á vinnustað. Með því að festa niður þau atriði sem eiga að vera öllum leiðarljós í samskiptum er hægt að koma í veg fyrir árekstra. Gildi eru ekki alltaf upplifuð á sama hátt og því skiptir miklu máli að sameiginlegur skilningur sé á því hvað þau eigi að standa fyrir. Gagnlegt er því að taka góða umræðu og festa niður á blað hvað nákvæmlega felst í þeim. Það stuðlar að dýpri skilningi á eðli þeirra og auðveldar innleiðingu. 

Á námskeiðinu er rýnt í gildin og þau rædd og útfærð. Unnið er í litlum hópum. Hver og einn starfsmaður veltir m.a. eftirfarandi spurningum fyrir sér, ræðir við samstarfsmenn og tekur síðan þátt í sameiginlegum umræðum:

• Hvað þýða gildin fyrir mig og mitt svið/mína deild?
• Hvernig birtast þau í okkar starfi?
• Gagnvart viðskiptavinum/skjólstæðingum?
• Gagnvart samstarfsmönnum?
• Gagnvart okkur sjálfum?
• Hvernig eiga gildin ekki að birtast?
• Hvernig erum við að standa okkur nú þegar?
• Hvar gætum við bætt okkur með hliðsjón af gildunum?

Eyþór Eðvarðsson eða Ingrid Kuhlman, þjálfarar og ráðgjafar hjá Þekkingarmiðlun ehf.